Реал Мадрид тарихи табыс рекордын орнатты: клуб 1,265 млрд доллар тапты

Мадридтік «Реал» 2024/25 маусымында бұрын-соңды болмаған қаржылық көрсеткіштерге қол жеткізіп, барлық спорт клубтары арасында табыс бойынша жаңа тарихи рекорд орнатты, деп хабарлайды SportsNews ақпарат агенттігі.

Беделді Forbes басылымының мәліметінше, испаниялық гранд таңғаларлық 1,265 миллиард доллар табыс тапқан. Бұл нәтиже клубтың өткен жылғы табысынан 12%-ға асып түсіп, тұрақты және қуатты өсуді көрсетеді.

Осылайша, «Реал» бұрынғы рекордсмен – НФЛ-дің «Даллас Ковбойз» клубының 1,230 миллиард долларлық көрсеткішінен асып түсті. Бұл жетістік мадридтіктердің тек спорттық ұлылығын ғана емес, соныдан әлемдік спорт экономикасындағы үстем позициясын да айқын көрсетеді.