Күтпеген табыс: «Қайрат» еурокубок жеңімпазын сыйақы бойынша басып озды

Алматылық «Қайрат» 2025/26 жылғы Чемпиондар лигасындағы қатысқаны үшін УЕФА-дан Англияның «Кристал Пэлас» клубының Конференция лигасын жеңгенінен де көп сыйақы алып, Еуропада үлкен таңданыс тудырды, деп хабарлайды SportsNews ақпарат агенттігі.

Football Insider басылымының мәліметінше, алматылық клуб Чемпиондар лигасының жалпы кезеңіне қатысқаны үшін 21,2 миллион еуро табыс тапқан. Бұл «Қайраттың» турнир кестесінде соңғы, 36-орын алғанына қарамастан орын алды.

Салыстырмалы түрде, Конференция лигасын жеңіп алған Англияның «Кристал Пэлас» клубы 20,4 миллион еуро сыйақы алды. Бұл табыс айырмашылығы еуропалық спорт БАҚ-тарында қызу пікірталас тудырды.

«Кристал Пэлас» Конференция лигасын жеңгені үшін Алматының «Қайраты» Чемпиондар лигасында соңғы орын алғанынан да аз сыйақы алады. Бұл әділетті ме?!»

Мұндай жағдай УЕФА-ның жаңа қаржылық моделімен түсіндіріледі. Оған сәйкес, Чемпиондар лигасындағы қатысудың өзі клубтарға мәртебесі бойынша екінші және үшінші еурокубоктарды жеңуден әлдеқайда жоғары төлемдерге кепілдік береді.