«Милан» Серия А-ның соңғы турында «Кальяриге» есе жіберді: матч қорытындысы

2025/2026 жылғы маусымның Италия Серия А чемпионатының соңғы, 38-ші турында «Милан» футбол клубы өз алаңындағы «Сан-Сиро» стадионында «Кальяриге» 1:2 есебімен жол берді, деп хабарлайды SportsNews ақпарат агенттігі.

Марко Гуида төрелік еткен кездесу алаң иелерінің жылдам голымен басталды. Екінші минутта «Милан» шабуылшысы Алексис Салемакерс есеп ашты. Алайда «Кальяри» тез арада жауап қайтарды: 20-минутта қонақтардың шабуылшысы Дженнаро Боррелли есепті теңестірді. Екінші таймда, 57-минутта, қорғаушы Хуан Родригес сардиниялық команданы алға шығарып, матчтың соңғы есебін орнатты.

Италия чемпионатының 38 матчының қорытындысы бойынша «Кальяри» 43 ұпай жинап, турнир кестесінде 14-ші орынға табан тіреді. «Милан» үшін бұл нәтиже көңіл көншітпеді: команда маусымды 70 ұпаймен бесінші орында аяқтап, Чемпиондар Лигасы аймағынан тыс қалды.