«Ливерпуль» аңыздарымен қоштасты: Салах пен Робертсон клубтан кетеді

Англия Премьер-лигасының соңғы, 38-ші турының «Брентфордпен» (1:1) өткен тартысты матчынан кейін «Ливерпуль» көпжылдық көшбасшыларымен қоштасудың әсерлі рәсімін ұйымдастырды. Жазда келісімшарттары аяқталатын шабуылшы Мохамед Салах пен қорғаушы Эндрю Робертсон жанкүйерлер мен командаластарынан лайықты құрметке ие болды, деп хабарлайды SportsNews ақпарат агенттігі.

Ойын аяқталған соң, футболшылар үшін «құрмет дәлізі» ұйымдастырылып, олар стадионның ду қол шапалағымен өтті, бұл олардың клубқа адал қызмет еткен жылдарына деген алғыстың белгісі болды.

Мохамед Салах «Ливерпульге» 2017 жылы қосылып, содан бері клубтың нағыз аңызға айналды. Осы кезеңде 33 жастағы мысырлық шабуылшы барлық турнирлерде 442 матчқа қатысып, 257 гол соғып, 123 нәтижелі пас берді.

Эндрю Робертсон да 2017 жылдан бастап мерсисайдтықтар үшін маңызды тұлға болды. Шотландиялық қорғаушы барлық жарыстарда 378 ойын өткізіп, 14 гол мен 69 нәтижелі пас беріп, өз буынының үздік сол жақ қорғаушыларының біріне айналды.