Килиан Мбаппе: Ла Лигада қорғаныста ең нашар, бірақ үздік бомбардир

Мадридтік «Реал» клубының шабуылшысы Килиан Мбаппе Ла Лигадағы маусымда 90 минутқа шаққандағы қорғаныс әрекеттері бойынша ең нашар ойыншы болып танылды, деп хабарлайды SportsNews ақпарат агенттігі.

FotMob аналитикалық порталының мәліметінше, шабуылшы Испания чемпионатындағы 31 матчта бар болғаны алты қорғаныс әрекетін жасаған. Бұл орта есеппен бір ойынға 0,2 әрекеттен аз, бұл Мбаппені Ла Лиганың барлық ойыншылары арасында соңғы, 344-ші орынға қояды.

Салыстыру үшін, оның командаласы Винисиус Жуниор 32 қорғаныс әрекетімен 336-шы орынды иеленді, бұл орта есеппен 90 минутқа бір әрекеттен келеді. FotMob қорғаныс әрекеттеріне допты тартып алуды, тосқауыл қоюды, допты алыстатуды және блокталған соққыларды жатқызады.

Қорғаныстағы төмен көрсеткіштеріне қарамастан, Килиан Мбаппе аяқталған маусымда 25 гол соғып, екінші рет қатарынан Ла Лиганың үздік бомбардирі атанғаны ерекше назар аудартады.