L’Équipe: Хакими «Арсеналмен» ЧЛ финалының стартына шықпайды, Дембеле белгісіз

«Пари Сен-Жермен» қорғаушысы Ашраф Хакими 30 мамырда өтетін Лондонның «Арсеналына» қарсы Чемпиондар Лигасы финалының бастапқы құрамына шыға алмайтын сияқты, деп хабарлайды SportsNews ақпарат агенттігі.

Франциялық L’Équipe басылымының хабарлауынша, командалық жаттығуларға тез оралғанына қарамастан, марокколық қорғаушы Ашраф Хакими шешуші матчтың бастапқы құрамына шығуға дайын болмауы мүмкін.

Шабуылшы Усман Дембелеге келетін болсақ, ол балтыр бұлшықетінің жарақатынан кейін жеке бағдарлама бойынша қалпына келуін жалғастыруда. Оның айналасындағылар оның негізгі құрамда ойнауына қатысты оптимизмді сақтап отыр. Алайда, егер Дембеле 26 мамыр, сейсенбі күні команданың жалпы жаттығуына қосыла алмаса, оның финалға дайындығы үлкен сұрақ астында қалады.

Естеріңізге сала кетейік, Хакими 28 сәуірде өткен Чемпиондар Лигасының жартылай финалдық бірінші матчында мюнхендік «Баварияға» қарсы ойында жамбас сүйегінен жарақат алған болатын. Ол кезде «ПСЖ» 5:4 есебімен жеңіске жеткен еді.