Гвардиола «Ман Ситимен» қоштасты: 10 жылда 20 трофей және көз жасы

«Манчестер Сити» клубының бас бапкері Хосеп Гвардиола 2025/2026 маусымының «Астон Виллаға» (1:2) қарсы соңғы матчынан кейін клубпен және жанкүйерлермен қоштасу кезінде эмоциясын жасыра алмады, деп хабарлайды SportsNews ақпарат агенттігі.

Қазір 55 жастағы испандық маман Манчестерде он ұмытылмас маусым өткізіп, команданы бұрын-соңды болмаған жетістіктерге жеткізді.

Осы кезеңде Гвардиола «қалалықтармен» бірге таңғажайып 20 трофейді жеңіп алды. Олардың қатарында Англия Премьер-лигасындағы алты жеңіс (2017/2018, 2018/2019, 2020/2021, 2021/2022, 2022/2023, 2023/2024 маусымдары) және 2022/2023 маусымындағы Чемпиондар Лигасындағы көптен күткен жеңіс бар.