Гаити Жаңа Зеландияны 4:0 есебімен жеңді: ӘЧ-2026 аутсайдерінің күтпеген нәтижесі

Футболдан Гаити құрамасы Әлем чемпионаты-2026 алдында өткен жолдастық кездесуде Жаңа Зеландия командасын ірі есеппен жеңді, деп хабарлайды SportsNews ақпарат агенттігі.

АҚШ-тың Флорида штатындағы Форт-Лодердейл қаласында өткен матч 4:0 есебімен Гаити командасының пайдасына аяқталды. Жеңімпаздар сапында Рубен Провиденс 12-минутта, Ленни Джозеф 51-минутта, Францди Пьерро 62-минутта және Дюк Лакруа 87-минутта гол соғып, өз құрамасына сенімді жеңіс әкелді.

Алдымыздағы 2026 жылғы Әлем чемпионатында Гаити құрамасы С тобында Бразилия, Марокко және Шотландия сияқты әлемдік футбол грандтарымен бірге өнер көрсетеді. Opta суперкомпьютерінің болжамы бойынша, Гаити құрамасы турнирдің басты аутсайдерлерінің бірі болып саналады.

Өз кезегінде, Жаңа Зеландия құрамасы G тобында өнер көрсетуге дайындалуда. Онда олар Бельгия, Мысыр және Иран командаларымен кездеседі.