Артета батыл мәлімдеме жасады: "Арсенал" Еуропа чемпионы атанады
"Арсеналдың" бас бапкері Микель Артета Англия Премьер-лигасындағы чемпиондықты тойлау кезінде Чемпиондар лигасында жеңіске жететінін мәлімдеді.
Лондондық "Арсеналдың" бас бапкері Микель Артета Англия Премьер-лигасындағы чемпиондықты тойлау кезінде Чемпиондар лигасында жеңіске жететіні туралы батыл мәлімдеме жасады, деп хабарлайды SportsNews ақпарат агенттігі.
Желіде испандық маманның футболшыларға қарап, алдағы Чемпиондар лигасының финалында өз командасының жеңісіне сенім білдірген видеосы пайда болды.
"Сенбіде біз Еуропа чемпиондары атанамыз!" - деді Артета.
Ағымдағы маусымда "Арсенал" 22 жылдан кейін алғаш рет Англия чемпионы атанып, жанкүйерлерінің ұзақ күткен үмітін ақтады. Енді "зеңбірекшілер" тағы бір тарихи жетістікке – Еуропаның басты клубтық турнирінде жеңіске жетуге бір қадам қалды.
Лондондық клуб үшін бұл финал тарихта алғаш рет Чемпиондар лигасын жеңіп, соңғы онжылдықтардағы ең табысты маусымдардың бірін аяқтауға мүмкіндік болмақ.
материалдары бойынша Vesti.kz
Зиданға «Бешикташтан» ұсыныс: бапкердің болашағы белгісіз
