Артета Габриэлдің пенальтидегі қателігі туралы: «Ол бесінші соққыны өзі қалады»

Лондондық «Арсенал» клубының бас бапкері Микель Артета Чемпиондар Лигасының финалында «ПСЖ-ға» қарсы матчта (1:1, пенальти сериясы 3:4) қорғаушы Габриэлдің пенальтиден қателескені туралы пікір білдірді, деп хабарлайды SportsNews ақпарат агенттігі.

«Ол бесінші соққыны өзі орындағысы келді. Біз дәл осындай сәтке дайындалып, жаттыққан болатынбыз», – деді Артета.

Испаниялық маманның айтуынша, әдетте командада пенальтиді Букайо Сака, Мартин Эдегор және Кай Хаверц орындайды. Алайда, ол егер матч қосымша уақытқа және пенальти сериясына жетсе, допқа басқа ойыншылардың да келуі мүмкін екенін түсінгендерін атап өтті.

«Мұндай сәттерде қысымға төтеп беру керек. Өкінішке орай, бізге қарсылас көрсеткен дәлдік жетіспеді, сондықтан біз жеңіске жете алмадық», – деп қорытындылады бас бапкер.