Армения Қазақстанға қарсы құрамын жариялады: ҚПЛ чемпионы және ең қымбат ойыншы

Армения ұлттық құрамасы Қазақстан командасына қарсы өтетін жолдастық кездесуге шақырылған футболшылар тізімін жариялады, деп хабарлайды SportsNews ақпарат агенттігі.

Армения құрамасының тізіміне қазақстандық жанкүйерлерге жақсы таныс қорғаушы Камо Оганесян енді. Бұл тәжірибелі футболшы бұған дейін Қазақстан Премьер-лигасында "Жетісу", "Қайрат" және "Астана" сияқты клубтарда сәтті өнер көрсетіп, екі рет Қазақстан чемпионы атанған болатын.

Оганесяннан бөлек, Армения құрамында "Краснодар" клубының жартылай қорғаушысы Эдуард Сперцян ерекше көзге түседі. Ол команданың ең қымбат ойыншысы болып саналады, оның нарықтық құны 25 миллион еуроға бағаланып отыр.

Алдымыздағы матчқа шақырылған Армения құрамасының толық тізімі:

Қақпашылар: Генри Авакян ("Пюник"), Огнен Чанчаревич ("ИМТ", Сербия), Арман Нерсесян ("Арарат-Армения"), Александр Мишиев ("Урарту").

Қорғаушылар: Камо Оганесян ("Арарат-Армения"), Эдгар Григорян ("Арарат-Армения"), Хулио Буэно ("Арарат-Армения"), Арман Казарян ("Урарту"), Эрик Пилоян ("Урарту"), Аргишти Петросян (ЦСКА), Георгий Арутюнян ("Пушкаш Академия", Венгрия), Наир Тикнизян ("Црвена Звезда", Сербия), Артем Бандикян (ЦСКА, Ресей), Давид Давидян ("Ротор", Ресей).

Жартылай қорғаушылар: Арам Хамоян ("Ноа"), Гор Манвелян ("Ноа"), Карлен Оганесян ("Пюник"), Эдуард Сперцян ("Краснодар", Ресей), Тигран Аванесов ("Оренбург", Ресей), Эдгар Севикян ("Акрон", Ресей).

Шабуылшылар: Жирайр Шагоян ("Арарат-Армения"), Артур Серопян ("Арарат-Армения"), Нарек Оганесян (ЦСКА), Грант-Леон Ранос ("Айнтрахт Брауншвейг", Германия), Нарек Григорян ("Фарул", Румыния), Артур Миронян ("Бней Сахнин", Израиль), Давид Акопян ("Подбрезова", Словакия).