Арбелоа Моуринью штабына кірмейді: «Реалдың» бұрынғы ойыншысы мәлімдеме жасады

Маусым соңында қызметінен кететін «Реалдың» бас бапкері Альваро Арбелоа Жозе Моуриньюдің жаттықтырушылар штабына ассистент ретінде қосылу мүмкіндігі туралы пікір білдірді, деп хабарлайды SportsNews ақпарат агенттігі.

Испаниялық маман португалдық бапкер командаға оралған жағдайда да, мадридтік клубта бас бапкердің көмекшісі ретінде қалмайтынын нақты мәлімдеді.

«Моуринью келсе, оның штабында жұмыс істейсіз бе? Оның өзін жақсы қолдайтын керемет жаттықтырушылар штабы бар. Егер Жозе «Реалға» келсе, менің онымен жұмыс істеуге мүмкіндігім болмайды», — деп келтіреді Арбелоаның сөздерін «Реалдың» ресми сайты.

Жозе Моуринью бұған дейін 2010-2013 жылдары «Корольдік клубты» басқарған болатын. Осы кезеңде португалдық маман команданы Испания чемпионатында жеңіске жеткізіп, сонымен қатар Испания Кубогы мен Суперкубогын жеңіп алды.