Антонио Конте Италия құрамасы туралы қауесеттерге жауап берді: Гвардиоланы атады

Италиялық танымал бас бапкер Антонио Конте Италия құрамасына оралуы мүмкін деген қауесеттерге қатысты өз пікірін білдірді. Ол қазіргі уақытта ешқандай келісімнің жоқтығын нақтылады, деп хабарлайды SportsNews ақпарат агенттігі.

«Менің Италия футбол федерациясымен ұлттық құраманың бапкері лауазымына қатысты ешқандай келісімім жоқ. Бүгінгі таңда нақты ештеңе жоқ. Әрі қарай көреміз», — деді Конте.

Тәжірибелі маман Италия футболының болашағына қатысты ойларын бөлісті. Ол әлемдік деңгейдегі бапкерді шақыру мүмкіндігін талқылай отырып, Хосеп Гвардиоланы мысалға келтірді.

«Қазір Федерацияның тіпті президенті де жоқ. Бірақ айтайын: Италия әлемдік деңгейдегі бапкерді шақыруға дайын ба? Мен Пеп Гвардиола туралы жаңалықтарды оқыдым. Егер маған тамаша кандидатты атауды ұсынса, мен Пепті таңдар едім», — деп атап өтті Конте.

Алайда, Конте мұндай тағайындаудың қаржылық жағына күмәнмен қарады. Ол қазіргі уақытта ешқандай байланыс немесе келісім жоқ екенін тағы да растады, деп хабарлайды Фабрицио Романо әлеуметтік желілерде.

Жақында ғана «Наполи» клубынан кеткен Конте командамен соңғы матчын өткізіп, А сериясында «Удинезені» 1:0 есебімен жеңген болатын. Оның басшылығымен «Наполи» маусымды екінші орынмен аяқтады.

«Наполи» ойыншылары баспасөз мәслихатында Контені шампанмен жуындырып, онымен қоштасты.