Жәнібек Әлімханұлы: әлем чемпионы Қазақстан құрамасына қосылды
WBO орта салмақтағы әлем чемпионы Жәнібек Әлімханұлы Шымкентте Қазақстан құрамасына қосылып, рингке оралуға дайындық аясында спаррингтерді бастады.
WBO нұсқасы бойынша орта салмақтағы әлем чемпионы Жәнібек Әлімханұлы (17-0, 12 KO) рингке оралуға дайындық үшін Шымкентке келіп, бокс бойынша Қазақстан ұлттық құрамасына қосылды, деп хабарлайды SportsNews ақпарат агенттігі.
Қазақстандық боксшы өзінің әлеуметтік желілерінде Шымкенттен видео жариялап, онда алғашқы жаттығулары мен ұлттық команда мүшелерімен алдағы спарринг жұмыстары туралы айтты.
«Ассалаумағалейкум баршаңызға! Қалдарыңыз қалай? Бізде бәрі жақсы, Шымкентте ауа райы ыстық. Қазір спаррингке бара жатырмыз. Біртіндеп формаға келу үшін төрт раундтан жұмыс істейтін боламыз», — деді боксшы.
Қазіргі уақытта бокс бойынша Қазақстан құрамасы Түркістан облысындағы «Алматау» базасында оқу-жаттығу жиындарын өткізуде. Бұл жиындарға Өзбекстан, Әзірбайжан және Қырғызстанның ұлттық командалары да қатысуда.
Бұл кезең Қытайдың Гуйян қаласында өтетін Әлем Кубогының екінші кезеңі алдындағы соңғы дайындық болмақ.
Жәнібек Әлімханұлы WBO әлем чемпионы атағын әлі де сақтап тұр. Былтыр желтоқсан айында оның ағзасынан допинг табылғанына қарамастан, ұйым оған титулын қалдырды. Алайда, қазақстандық чемпион болған IBF ұйымы Әлімханұлынан белбеуін тартып алды.
материалдары бойынша Vesti.kz
