«Намысыма тиді»: Нганну UFC-ден неге кеткенін түсіндірді

Фрэнсис Нганну UFC-ден кетуі туралы пікір білдірді. Камерундық ауыр салмақтағы спортшының айтуынша, промоушеннің басты қателігі – оған жеке тұлға ретінде құрмет көрсетпеуі, деп хабарлайды Sportsnews.kz.

UFC-дің ауыр салмақтағы бұрынғы чемпионы лига басшылығы оның намысына тигенін мәлімдеді. «Олар маған құрмет көрсетуді тоқтатты – олардың басты қателігі осы болды», – деп атап өтті Нганну.

Еске салайық, 2023 жылдың қаңтарында Нганну жаңа келісімшарт бойынша ұзақ келіссөздерден кейін UFC-ден кеткен болатын. Қазір спортшы PFL-де өнер көрсетіп, Энтони Джошуамен бокс жекпе-жегіне дайындалуда.

Дереккөз: Championat.com