Мұхаммед Шехов WBA міндетті үміткері атанды: Иноуэмен жекпе-жек пе?
Ресейлік боксшы Мұхаммед Шехов Екатеринбургте жеңіске жетіп, WBA міндетті үміткері атанды. Енді ол жеңілмеген Наоя Иноуэмен жұдырықтасуы мүмкін.
Өзбек текті ресейлік боксшы Мұхаммед Шехов (18-0-1, 4 КО) Екатеринбургте өткен бокс кешінде сенімді жеңіске жетті, деп хабарлайды SportsNews ақпарат агенттігі.
Екінші жеңіл салмақта (55,2 келіге дейін) өткен тартысты жекпе-жекте Шехов венесуэлалық Эрни Бетанкурмен (27-3, 21 КО) кездесті. Он екі раундқа созылған айқастың қорытындысы бойынша төрешілер Шеховтың жеңісін бірауыздан мойындады.
Бұл маңызды жеңіс 29 жастағы Шеховқа Дүниежүзілік бокс қауымдастығы (WBA) нұсқасы бойынша міндетті үміткер атануға мүмкіндік берді. Енді оның алдында абсолютті әлем чемпионы атағы үшін айқасу мүмкіндігі тұр.
Бұл салмақ дәрежесіндегі қазіргі абсолютті әлем чемпионы – жеңілмеген жапондық Наоя Иноуэ (33-0, 27 КО). Келесі жекпе-жегін Шехов дәл осы Иноуэмен өткізуі мүмкін, бұл бокс әлеміндегі ең күтілетін оқиғалардың бірі болмақ.
Ал 26 жастағы Бетанкур үшін бұл жеңіліс оның карьерасындағы үшіншісі болды және оның қатарынан бес жеңіс сериясын тоқтатты.
материалдары бойынша Vesti.kz
13 россиян вышли в финал юниорского первенства Европы по боксу
Махачев получил медотстранение после боя с Гэрри на UFC 330
Мокаев встретится с олимпийским чемпионом Хинчегашвили в грэпплинге на Hype 19
