ММА: Қораласов Самусев – Жеңісұлы титулдық жекпе-жегіне болжам жасады

Танымал қазақстандық ММА файтері Бағашар Қораласов Naiza лигасының алдағы титулдық жекпе-жегіне қатысты өз болжамын айтты. Бұл айқаста Николай Самусев қазіргі чемпион Балғын Жеңісұлымен белбеу үшін таласады, деп хабарлайды SportsNews ақпарат агенттігі.

Қораласов екі файтердің де мықты тұстарын атап өтті. Оның айтуынша, Николай Самусев өте мықты және қауіпті қарсылас, кез келген оппонентке қиындық тудыра алады.

«Николай — мықты жігіт, бірақ Балғын жан-жақтырақ. Менің ойымша, қытайлық файтер төрешілер шешімімен немесе жекпе-жектің екінші жартысында мерзімінен бұрын жеңеді», — деді Қораласов, Жеңісұлының дене бітімі мен клинчтегі тиімді жұмысына назар аудара отырып.

Айта кетейік, Жеңісұлы мен Самусев арасындағы бұл көптен күткен жекпе-жек Naiza турнирлерінің бірінің басты оқиғасы болмақ. Николай Самусев үшін бұл тек титул үшін айқас емес, сонымен қатар бұрын жоғалтқан чемпиондық белбеуін қайтаруға үлкен мүмкіндік.