Қазақстандық Иван Дычко рингке оралады: Дана Уайт промоушеніндегі жекпе-жек
Қазақстандық аса ауыр салмақтағы боксшы Иван Дычко 6 маусымда Англияда Zuffa Boxing 07 турнирі аясында жекпе-жек өткізеді. Оның қарсыласы Харви Дайкс болады.
UFC президенті Дана Уайт пен сауд инвесторы Турки Аль аш-Шейх негізін қалаған Zuffa Boxing промоушені қазақстандық аса ауыр салмақтағы боксшы Иван Дычконың (15-1, 14 КО) алдағы жекпе-жегін жариялады. Бұл айқас 6 маусымда Англияның Борнмут қаласында өтеді, деп хабарлайды SportsNews ақпарат агенттігі.
Иван Дычко Zuffa Boxing 07 турнирі аясында рингке шығады. Оның қарсыласы жергілікті боксшы Харви Дайкс (7-0-1, 0 КО) болады. Қазақстандық боксшы үшін бұл ауыр салмақтағы өз позициясын нығайтуға тамаша мүмкіндік.
"Биік әрі қуатты. Иван Дычко осы сенбіде Zuffa Boxing 07 прелимдерінде рингке оралады", — делінген промоушен хабарламасында.
Zuffa Boxing әлемнің түкпір-түкпірінен талантты боксшыларды белсенді түрде тартады. Иван Дычкодан басқа, бұл лигамен тағы бір танымал қазақстандық боксшы — Олимпиада чемпионы Данияр Елеусінов келісімшартқа отырған.
Өткен жекпе-жектерін еске түсірсек, Иван Дычко 2012 жылы Лондон Олимпиадасында болашақ әлем чемпионы Энтони Джошуамен кездескен болатын. Сол кезде жартылай финалда қазақстандық боксшы британдыққа есе жібергенімен, лайықты қарсылық көрсетті.
материалдары бойынша Vesti.kz
