UFC чемпионы Махачев: келесі жекпе-жек қашан және қарсылас кім?

UFC-дің жартылай орта салмақтағы (77 келіге дейін) қазіргі чемпионы, 34 жастағы ресейлік файтер Ислам Махачев солтүстікамерикалық ұйымдағы келесі жекпе-жегі туралы ақпаратпен бөлісті, деп хабарлайды SportsNews ақпарат агенттігі.

«Мен тамыз айында [келесі жекпе-жегім болатынын] білемін. Қарсыласым кім болатынына әлі 100% сенімді емеспін. Қазірдің өзінде жақсы формадамын», – деді Махачев журналист Вячеслав Абдусаламовқа өзінің YouTube-арнасында берген сұхбатында.

Бүгінгі таңда Махачев UFC-де қатарынан 16 жеңіске жетіп, таңғажайып сериясын көрсетіп келеді. Жалпы, Исламның есебінде 28 жеңіс және бір ғана жеңіліс бар.

Ресейлік спортшының соңғы жекпе-жегі Нью-Йорктегі UFC 322 турнирінде аустралиялық Джек Делла Маддаленамен өтті. Бұл жекпе-жекте UFC-дің жартылай орта салмақтағы чемпиондық атағы сарапқа салынды және Махачев төрешілердің бірауыздан шығарған шешімімен сенімді жеңіске жетті.