Челси Грин «Челсидің» жаңа формасын мерзімінен бұрын көрсетті: Мадонна онымен бірге

Канадалық рестлер, каскадер және модель Челси Грин «Челси» футбол клубының жаңа формасын ресми тұсаукесеріне дейін көрсетіп, әлеуметтік желілерінде фото мен видео жариялады, деп хабарлайды SportsNews ақпарат агенттігі.

Гриннің бұл әрекеті лондондық клубтың жаңа киім үлгісін жанкүйерлерге жариялауынан бұрын оны көпшілікке таныстырудың кезекті жағдайы болды.

Айта кетерлігі, бұған дейін 67 жастағы әлемге әйгілі әнші Мадонна да жаңа форманы киіп, стримде би билеген болатын. Осылайша, «Челсидің» жаңа экипировкасы ресми тұсаукесерге дейін екі бірдей танымал тұлғаның назарына ілікті.

«Челси» клубы 2026/27 маусымына арналған формасын әлі ресми түрде таныстырған жоқ.