Бокс: Қазақстан әйелдер құрамасы Әлем Кубогына құрамын атады

Қазақстанның әйелдер бокс құрамасы маусым айында Қытайдың Гуйян қаласында өтетін World Boxing эгидасымен өтетін Әлем Кубогының екінші кезеңіне қатысатын құрамын анықтады, деп хабарлайды SportsNews ақпарат агенттігі.

Бас бапкер Елдос Сайдалиннің жетекшілігімен команда турнир алдында халықаралық оқу-жаттығу жиынын өткізу үшін Қытайға аттанды.

Қазақстан ұлттық құрамасының құрамына тоғыз талантты боксшы қыз енді: Алуа Балқибекова, Назым Қызайбай, Элина Базарова, Виктория Графеева, Аида Әбікеева, Лаура Есенгелді, Наталья Богданова, Валерия Аксенова және Дина Исламбекова.

World Boxing ұйымының 2026 жылғы Әлем Кубогының екінші кезеңі 15-21 маусым аралығында Гуйян қаласында (Гуйчжоу провинциясы) өтеді. Турнирге әлемнің 54 елі мен аймағынан 400-ге жуық спортшы қатысып, ерлер мен әйелдер арасындағы 20 салмақ дәрежесінде медальдар сарапқа салынады.

Айта кету керек, Әлем Кубогының бұрынғы кезеңдерінің бірінде Қазақстанның әйелдер құрамасы тамаша нәтижелер көрсеткен болатын. Алтын медальдарды Виктория Графеева (60 кг) мен Валерия Аксенова (80+ кг) жеңіп алса, Аида Әбікеева (60 кг) күміс жүлдегер атанды, ал Алуа Балқибекова (51 кг) мен Жібек Жарашқызы (80 кг) қола медальдарды иеленді.

Қатысушылар арасында Назым Қызайбай ерекше көзге түседі. Ол Олимпиада ойындарының қола жүлдегері (2024), үш дүркін әлем чемпионы (2014, 2016, 2025), сондай-ақ Азия чемпионатының (2021) және Астанадағы Әлем Кубогы кезеңінің (2025) жеңімпазы.