Бокс: Евгений Павлов WBC Continental Americas белбеуі үшін айқасады

Қазақстандық жартылай жеңіл салмақтағы боксшы Евгений Павлов (11-0, 8 KO) екінші жартылай жеңіл салмақтағы WBC Continental Americas бос белбеуі үшін айқас өткізеді, деп хабарлайды SportsNews ақпарат агенттігі.

BoxRec.com порталының мәліметінше, бұл жекпе-жекте WBC Continental Americas бос белбеуі сарапқа салынады. Бұл Павлов үшін кәсіби мансабындағы маңызды қадам болмақ.

Айта кетейік, Евгений Павлов 2020 жылдан бері кәсіби рингте өнер көрсетіп келеді және әлі жеңіліс көрмеген. Ол өткізген 11 жекпе-жегінің сегізін нокаутпен аяқтаған, бұл оның соққы күшінің жоғары екенін көрсетеді.

Алдағы жекпе-жек Павлов үшін 2024 жылғы екінші айқас болмақ. Ол 25 сәуірде АҚШ-тың Мэриленд штатындағы Балтимор қаласында америкалық Антонио Дантон Эл-кішіні (6-6-2, 2 КО) алты раунд қорытындысы бойынша төрешілердің бірауыздан шешімімен жеңген болатын. Бұл жекпе-жек Павловтың 2023 жылдан кейінгі алғашқы айқасы еді.

Евгений Павловтың бұрын екінші орта салмақтағы абсолютті әлем чемпионы Сауль «Канело» Альвареспен бір залда жаттыққаны да белгілі.