Альварес нокаутты болжады: Усик Верхувенмен жекпе-жекті алтыншы раундқа дейін аяқтайды

Екінші орта салмақтағы бұрынғы абсолютті әлем чемпионы, мексикалық Сауль Альварес жеңілмей келе жатқан украиналық Александр Усик пен нидерландылық Рико Верхувен арасындағы WBC супер ауыр салмақтағы алдағы жекпе-жек туралы өз ойымен бөлісті, деп хабарлайды SportsNews ақпарат агенттігі.

Олардың айқасы 23 мамырда Мысырдың Гиза қаласында өтетін үлкен бокс кешінің басты оқиғасы болмақ.

DAZN-ге берген сұхбатында Альварес Усиктің жеңісіне, әсіресе мерзімінен бұрын жеңіске жететініне сенім білдірді.

«Ох, Усик, әрине, жеңеді. Қалай жеңеді? Нокаутпен, мүмкін төртінші немесе бесінші раундта», — деді Альварес.

Александр Усиктің кәсіби рекордында 24 жеңіс бар, оның 15-і мерзімінен бұрын аяқталған, және бірде-бір жеңілісі жоқ. Александр кәсіпқой боксқа 2013 жылдың қараша айында келген.

Усиктің қарсыласы Рико Верхувен барлық уақыттағы ең ұлы кикбоксшылардың бірі болып саналады. Нидерландылық боксшы Glory ауыр салмақтағы чемпиондық титулын рекордтық 4220 күн, яғни 11 жылдан астам уақыт бойы ұстап тұрды. Ол Glory аясында қатарынан 26 жеңіске жетіп, ұйымның титулдық жекпе-жектердегі жеңістер саны бойынша рекордын (14) орнатты.